Search in blog

الاثنين، 21 أغسطس 2017

يعنى ايه Business Operation؟!

الـ Business Operation مصطلحح بيتقال على الأنشطة اللى بتغطى المهام اليومية للشركة بهدف واحد بس هو تحقيق أقصى ربحيه ممكنه، ودا عن طريق 3 حاجات :
- توليد مستمر للدخل 
- زيادة قيمة الأصول التجارية
- توفير الايرادات اللازمه
والفكره ببساطه ان كل ما بيزيد الدخل من اصل من الاصول، كل ما بتزيد قيمته، ولما تزيد قيمته بتستمر زياده الايرادات

الموضوع فيه تفاصيل كتير .. هنتناقش فيها مع بعض على صفحتنا على الفيس بوك PhiloMark

الأحد، 20 أغسطس 2017

الفرق بين الشركة والمؤسسة

الفرق بين الشركة والمؤسسة
مصطلح شركة بيتقال على اى مؤسسة هادفه للربح، لكن بشكل عام " شركة" دا مصطلح مفتوح جدا .. لإنه فى فرق كبير بين الشركات والمؤسسات ..
كل المؤسسات شركات، لكن مش اى شركة مؤسسة .. المؤسسة مصطلح اوسع بكتير من الشركة وبيشمل أنواع مختلفه من الشركات .. نقدر نختصرها فى التعريف البسيط دا
* الشركة: هى اى كيان بيشارك فيه أكثر من شخصين بمقتضى عقد، وفى أكتر من شكل للشركات زى شركات التضامن، التوصيه البسيطة، المحاصة ، شركات الاموال، شركات ذات مسئولية محدوده و الشركات المساهمه، وممكن تكون مملوكة لشخص واحد أو مجموعة من الناس
* المؤسسة: بتختلف عن الشركه فى انها بتكون كيان قانونى منفصل عن اصحابها، ودا معناه ان المسئولية بتنحصر ف حيازة الأسهم بس، وكل مساهم بيكون معاه جزء صغير من الاسهم او من هيكل الشركة
#Business_Dictionary #PhiloMark


السبت، 19 أغسطس 2017

تحليل البيانات الضخمة - ال Big Data Analysis


تخيل معايا إن العالم بينشأ يومياً 2.5 كوينتيليون بايت ( 2.5 × 1018) من البيانات .. رقم ضخم جدا كان سبب فى إن الشركات الكبيرة تخصص إدارات و مسئولين عن إدارة وحفظ البيانات دى ..

خلونا نعرف أكتر عن تحليل البيانات الضخمة أو الـ Big Data Analysis .. نفهم ايه المقصود بالمصطلح دا، ليه مهم استخدم التحليل ، إزاى بيتم، وايه الخطوات اللى بيمر بيها، مين المفروض يقوم بالدور دا، والنتايج اللى المفروض نوصلها فنتأكد اننا ماشين صح 

هنتعرف من خلال الفيديو على : 

- يعنى ايه بيج داتا وليه بنستخدمه؟! 

- امتى بنستخدم تحليل البيانات 
ازاى بيتم تحليل البيانات؟ ومثال
- مين بيحلل البيانات الضخمة و ايه مؤشرات نجاحه وممكن ادرسه ازاى؟



                                                    تقدر تشوف البريزنتيشن كامل من هنا

او تشوف الفيديو من هنا


الأربعاء، 16 أغسطس 2017

ملخص حلقة التحليل الإستراتيجي

ملخص حلقة #التحليل_الإستراتيجي



ملخص حلقة  التحليل الإستراتيجي
1- ما هو التحليل الإستراتيجي 
 * التحليل الإستراتيجي هو الأبحاث التى ننشئها عن المؤسسة لرصد وتحليل كافة مواردها الحالية والفرص والتهديدات التى تحيط بها وتؤثر على مستقبلها.. وذلك بهدف صياغة إستراتيجيه سليمة

2 - لماذا نستخدم التحليل الإستراتيجي 
* التحليل الاستراتيجي هو البداية السليمه لوضع أساس علمى وعملى لأى مشروع
* الهدف من التحليل الإستراتيجي هو رصد الماضى وتحديد الفرص والأدوات المتاحه الآن، لتيسيير عملية التنبؤ * بالمستقبل بشكل مقارب للواقع وبعيد عن أي اجتهادات شخصية
* لأختيار الإستراتيجيه المناسبة لشغلى بناء على أساس علمى، وبالتالى أخذ قرارات منطقيه بدون نتائج خاطئة وعواقبها محمودة
* عمل نوع من أنواع التكامل بين إدارات الشركة،
* تحقيق الأهداف والمساعده فى إدارة مراحل الإدارة الإستراتيجية

3- متى نستخدم التحليل الإستراتيجي 
هناك 5 علامات إذا توفرت إحداهم وجب علينا إجراء  التحليل الإستراتيجي وبحوث العمليات ..
* إذا كان لدى الشركة مشكله معقده تتكرر دورياً رغم تقديم كافة الحلول الممكنه
  مثال: تأخير الموظفين عن العمل يومياً، أو إنخفاض معدل السيولة الماليه
* إذا كان القرار بحاجه الى تبرير كمى
* إذا كنت بحاجه لتقييم المخاطرة والحد منها خاصة وإذا كانت البداية لمشروع جديد
* إذا كانت المشكله متكررة والشركة غير قادره على الاستفاده من البيانات المتوفره لديها
* إذا كنت تبحث عن تحسين مستوى الاداء فى كل أقسام المؤسسة وتحقيق ميزة تنافسيه

4- كيف يتم التحليل الإستراتيجي 
يمر التحليل الإستراتيجي بخطوات متعددة تتمثل فى  :
* تعريف المشكله وجمع المعلومات: لابد من جمع أكبر قدر من المعلومات الحقيقية معلومة المصدر
* التصنيف والتنقيح: تصنيف البيانات لوصفيه ونوعيه، وتصحيح البيانات الغير منطقيه و تعديلها
* التحليل: إستخدام أدة التحليل الإستراتيجي الأنسب (والتى تصل الى أكثر من 15 أداه)
* إستخراج النتائج : تنقسم الى جزئين: الوضع الحالى والذى يصف الأداء والإمكانيات الحقيقيه، والوضع المرغوب الذى تريد المؤسسة الوصول اليه .. والفجوة الواقعة بين الوضعين والتى توضح المشاكل الحقيقيه فى كل الجوانب اللى سبق تحليلها
* وضع الإستراتيجيه:إغلاق الفجوة اوالحد منها بأقل تكاليف ممكنه إعتمادا على الإستراتيجيه المناسبه
* مراقبة وتقيم الأداء: قياس الهدف ومراقبته وتقييم الأداء المشاركين فى تنفيذ الاهداف
* التحسين: التطوير والتحسين المستمر فى أداء الأفراد والكفاءات، المعدات ، أداء الأنظمة والإجراءات .. وذلك بشكل ممنهج

5- من القائم بمهام التحليل الإستراتيجي 
* توجد شركات متخصصه فقط فى مجال تطوير الأعمال «business development»
* تلجأ بعض الشركات لمستشارين متخصصين لديهم الخبرة الكافيه للقيام بدور المُحلل الإستراتيجي للشركه
* تعتمد بعض الشركات دور التحليل كجزء من دور إدارة التسويق لأنها الإدارة المسئولة عن تطوير الشركة لتحقيق أهدافها
* الشركات الكبرى تمتلك إدارات متخصصة لتحليل وتطوير الشركة
* فى كل الأحوال لابد أن يكون المُحلل الإستراتيجي شخص يمتلك مهارات تحليليه وإدارية عاليه، و على دراية بنشاط الشركة

6- مؤشرات نجاح التحليل الإستراتيجي 
للتاكد إن سلامة التحليل بنسبه كبيرة لابد من توافر بعض الشروط مثل:
* الاستقلال والحياد
* تقبل الاراء المختلفة والمخالفة
* الصراحة والإعتراف بالمشكلات
* الفضول وتوفر الدافع لجمع وتحليل المعلومات
..
إختصاراً
يوفر التحليل الاستراتيجي رؤية واضحة للعمليات التجارية للشركة وكيفية تحقيق أهدافها
عن طريق بعض الادوات المهمه فى تحديد الفرص والتهديدات - تخصيص الموارد - التنبؤ بالمستقبل - اختيار استراتيجيه مناسبه - تحقيق أهداف المؤسسة، وذلك فى حاله وجود مشكله
عن طريق إتباع خطوات بسيطه هى : جمع المعلومات - التحليل - التنقيح – استخراج النتائج - وضع الاهداف - التقييم – التحسين

وأخيراً : تقدر تتابع صفحه فيلومارك على الفيس بوم من هنا 

الثلاثاء، 15 أغسطس 2017

Strategic Analysis - التحليل الإستراتيجي - إمتى وفين وإزاى وليه ومين ؟

الحلقة الأولى من برنامج Business Analysis 
التحليل الاستراتيجي هو أساس أى شغل لو عايزين نبدأ صح، أو بمعنى أدق هو نقطة انطلاق لعملية الإدارة الاستراتيجية..


الجزء الأول : يعنى ايه تحليل استراتيجي؟

الجزء الثانى : إمتى وليه استخدم التحليل الاستراتيجي

الجزء الثالث: ايه هى خطوات التحليل الاستراتيجي؟

الجزء الرابع: مين اللى مسئول عن مهمه التحليل ؟ وهل فى مؤشرات نجاح للتحليل الاستراتيجي؟

الجزء الخامس: مثال على التحليل الاستراتيجي - استراتيجيه وزاره الدفاع الامريكيه



كمان ممكن تقرأ مضمون الحلقات على SlideShare


ولو عندك اى سؤال إبعتلنا على صفحتنا على الفيس بوك : PhiloMark

الأربعاء، 9 أغسطس 2017

قوة الأبطال .. أم شجاعة الأبطال؟!




الأبطال دايماً مميزين بحاجه من إتنين .. 
إما #شجاعة_الابطال اللى بتمدهم بالقوة لمواجهه صعوبات البدايات، أو #قوة_الابطال اللى بتمدهم بقوة إستكمال اللى بدءه غيرهم .. الابطال اللى عندهم الميزتين مجتمعين شبه نادرين .. لكن هما المؤثرين 

البطل الحقيقي هو اللى يقدر يبدأ ويصدق نفسه وفكرته ويكون مختلف عن ألالاف النسخ المكررة .. هو اللى يستحمل ويستمر لحد ما يوصل للمرحلة اللى مايقدرش يرجع من عندها و يقول انا مش لاعب .. 
البطل ممكن يعتمد على علم بس أو موهبه بس .. لكن البطل المؤثر بيصدق حلمة وبيرسم رؤيته وبيتحرك بإرادته عشان يحقق اهدافه

ما تكونش بطل .. خليك بطل مؤثر

الثلاثاء، 8 أغسطس 2017

مين هو فيلومارك؟!

مين هو فيلومارك
فيلومارك "الماركتير الفيلسوف" هو كل واحد فينا بيحاول يربط بين نظريات الأعمال المكتوبه فى الكتب ويطبقها فى البيزنس الخاص بيه على أرض الواقع .. والحقيقة إنه مش متخصص ماركتينج بس زى إسمه، لكنه بيتفلسف كتير فى كل مجالات الإدارة

رؤية فيلومارك :
-          أن نصبح شركاء نجاح لكل رائد أعمال شغوف بعمله

أهداف فيلومارك :
-          تنمية ثقافة الأعمال التجارية والمعلومات التحليليه بشكل مبسط
-          تقديم المساعدات الفنيه لتطوير مهارات كل مدير عمل طموح وشغوف بعمله
-          الربط بين كافة إدارات المؤسسات التجاريه (الإدارة، التسويق، المبيعات، المالية، المشتريات، الموارد البشريه، تقنية المعلومات..الخ)
-          تغطية أكبر قدر ممكن من المادة العلمية القابلة للتطبيق العملي بشكل مبسط

الفئة المستهدفة
-          فيلو مارك بيستهدف المديرين الجدد، رواد الاعمال، شباب المستثمرين، الـ start ups
-           الباحثين والعاملين بمجالات التسويق، التحليل، الاقتصاد، الادارة .. وكل مجالات البيزنس

خدمات فيلومارك :
فيلومارك بيقدم مجموعة خدمات تتمثل فى إستشارات:
-          تطوير الأعمال
-          التخطيط والمتابعة

-          التسويق بكافه أشكاله

#فيلومارك بيكون سعيد بالرد على كل أسئلتكم 
#PhiloMark #Your_Business_Partner
تقدر تتابع صفحتنا على الفيس بوك PhiloMark

الاثنين، 7 أغسطس 2017

يعنى ايه بيزنس؟

يعنى ايه بيزنس؟أول ما بنسمع كلمه بيزنس بيجي فى دماغنا رجل الاعمال صاحب الشركات اللى بيزعق فى كل الموظفين وبيدخل يمضى شيكات أو لو أحلامنا متواضعه بيجي فى دماغنا عم زكى صاحب محل البقاله اللى على ناصيه الشارع وبيعتبر نفسه بيزنس مان قد الدنيا 



ولأن أفكارنا مش دايماً مطابقه للواقع، دورنا لحد ما عرفنا يعنى ايه بيزنس؟
مصطلح "Businessبيزنس" بيتقال على أى مؤسسه تجارية أو منظمة ليها نظام اقتصادي واضح وممنهج(يعنى شركه مساهمه، توصيه بسيطه، ذات مسئوليه محدودة، تضامن، أو منشأة فرديه)، ويتم فيها تبادل المنتجات والخدمات مقابل بعضها أو مقابل المال ..
ممكن تكون المشروعات دى مملوكة للقطاع الخاص ودى هدف تحقيق الربح فيها واضح، وممكن تكون مملوكه للدوله أو غير هادفه للربح ودى بردو مش شغاله لله وللوطن وهدفها تحقيق ربح بس مش شرط يكون يكون مادى أو فلوس ببتوزع اخر الفتره .. ممكن يكون ربحها بيتعاد توزيعه او بيغطى مصاريف المشروع
كل الاعمال التجارية بتتطلب شكل من أشكال الاستثمار (يعنى ممكن أستثمر فيها فلوس، وقت، مجهود.. ) ونقدر نقول على بقاله عم زكى بيزنس زى ما بنقول على مشروعات ساويرس بيزنس
الهدف قصير المدى لأى مشروع هو تلبيه رغبات العملاء (لان العميل سيد الموقف فى مشروعات كتير ومؤثر أساسي فى استمرار وبقاء المشروع) والمشروع اللى بيبعد عن عملاءه مش بيقدر يستمر ..
..

لو حابب تعرف اكتر، سيب سؤالك فى كومنت وهنرد عليك فوراً

مين PhiloMark ؟

مين هو فيلومارك؟!

فيلومارك "الماركتير الفيلسوف" هو كل واحد فينا بيحاول يربط بين نظريات الأعمال المكتوبه فى الكتب ويطبقها فى البيزنس الخاص بيه على أرض الواقع .. والحقيقة إنه مش متخصص ماركتينج بس زى إسمه، لكنه بيتفلسف كتير فى كل مجالات الإدارة
رؤية فيلومارك :
-          أن نصبح شركاء نجاح لكل رائد أعمال شغوف بعمله

أهداف فيلومارك :
-          تنمية ثقافة الأعمال التجارية والمعلومات التحليليه بشكل مبسط
-          تقديم المساعدات الفنيه لتطوير مهارات كل مدير عمل طموح وشغوف بعمله
-          الربط بين كافة إدارات المؤسسات التجاريه (الإدارة، التسويق، المبيعات، المالية، المشتريات، الموارد البشريه، تقنية المعلومات..الخ)
-          تغطية أكبر قدر ممكن من المادة العلمية القابلة للتطبيق العملي بشكل مبسط

الفئة المستهدفة
-          فيلو مارك بيستهدف المديرين الجدد، رواد الاعمال، شباب المستثمرين، الـ start ups
-           الباحثين والعاملين بمجالات التسويق، التحليل، الاقتصاد، الادارة .. وكل مجالات البيزنس

خدمات فيلومارك :
فيلومارك بيقدم مجموعة خدمات تتمثل فى إستشارات:
-          تطوير الأعمال
-          التخطيط والمتابعة
-          التسويق بكافه أشكاله

برنامج بيزنس أناليسيز Business analysis
فيلومارك راعى لمجموعة برامج بتمثل أدوات توعوية وتعليميه فى مجال إدارة الإعمال وبتساهم فى تحقيق أهدافه،

Business analysis أحد برامج فيلومارك وهو عبارة عن مجموعة حلقات متخصصه فى تحليل كل البيانات والمعلومات اللى تخص المؤسسات وشركات الأعمال

مين PhiloMark ؟

مين هو فيلومارك؟! فيلومارك "الماركتير الفيلسوف" هو كل واحد فينا بيحاول يربط بين نظريات الأعمال المكتوبه فى الكتب ويطبقها فى ...